أنا أتمنى أشوف الصورة
في ذكرى يناير مش مكسورة
وأشوف الشعب وجوه مسرورة
شرطة وجيش حضنين ثوار
****
أنا أتمنى نعمر بكرة
نطوي الحزن في يوم الذكرى
ولجل ما تكمل أجمل فكرة
لازم بعد الثورة عمار
****
لاستعجال ولا عند يفيدنا
لازم نبني بلدنا بإيدنا
ولا نسمح في الأرض بفتنه
تطفي الشمس وتشعل نار
****
أنا مُتأكد كل شهيد
هيشوفنا والإيد في الإيد
راح يفرح وكأنه في عيد
وروحه هترجع للثوار
****
أنا أتمنى تكون أمانيه
حقيقية في يوم عيد الحرية
مش أحلام وتمر علية
كا عتمة ً ليل يمحيها نهار
****
شدو الحيل يا شباب الثورة
وخلوا ما بين الكل مُشورة
تدعم حب وتمحي مؤامرة
بيدبرها غريب ع الدار
****
مش عايزين شك وتخوين
ولا نسأل من فاز على مين
ولا ننصر غير بس الدين
لجل الخير ما يزيد في الدار
****
مش عايزين تشكيك في حبيب
وعتاب لا يودي ولا يجيب
إقلب صفحة يا شعب مُهيب
نيلك ما بيرويش أشرار
****
عيد الشرطة وعيد الثورة
عيد واحد مش عايزه مُنورة
ودا شيء يحبط أي مؤامرة
ضد الأرض أو الثوار
****
أرفعوا راية النصر الحرة
ومهما الأيام كانت مرة
أثبتُ إن شباب الثورة
قادر ياخد أي قرار
الشاعر : وليد الوصيف .
Waleed_elwasef@yahoo.com
يااااااااااااااارب يناير الى احنا فيه
ردحذفيبقى ... خييييييييييييير لمصر كلها
آآمين
ردحذفيااااااااارب يكون خير لمصر كلها .. كفاية اللى راح واللى خسرناه
وعلى قول القذافى ... دقت ساعة العمل
يارب يجعلها ... ذكرى
ردحذفتفكرنا .. انو مهما طال الظلم .. لازم فى يوم الحق يرجع
ياااااااااااااارب
ردحذفالله يجعل اللى جاى احسن يارب لمصر وكل اهلها
ردحذف